Ҷаласаи ғайринавбатии ANOK
Душанбе, 17 июн. (АМИТ «Ховар», Дилшодаи Хайруллоҳ) .- Рӯзҳои 15-16 июни соли равон дар шаҳри Лазанаи кишвари Шветсария ҷаласаи ғайринавбатии Ассотсиатсияи кумитаҳои олимпӣ бо ширкати намояндагони 201 кишвари ҷаҳон доир гардид. Ҷаласа таҳти раҳбарии Президенти Ассотсиатсияи кумитаҳои миллии олимпӣ (ANOK) Шайх Аҳмад ал Фаҳад ал Сабаҳ баргузор гардид. Дар кори ҷаласа раиси Кумитаи ҷавонон, варзиш ва сайёҳӣ-ноиби аввали Президенти Кумитаи миллии олимпии Тоҷикистон Маликшо Неъматов ширкат намуд. Яке аз масоили асосии ҷаласа ин ворид намудани тағйиру иловаҳо ба Низомномаи Ассотсиатсия буд, ки иштирокдорон якдилона қабул намуданд. Ҳамзамон, кишварҳои талабгори Бозиҳои навбатии Олимпӣ соли 2020-Ҷопон, Испания ва Туркия муаррифии омодагии худро ба иштирокчиён пешниҳод намуданд. Дар рафти ин ҷаласа мулоқоти Маликшо Неъматов бо Шайх Аҳмад ал Фаҳад ал Сабаҳ, ки ҳамзамон Президенти Кумитаи миллии олимпии давлати Қувайт мебошад, баргузор гардид. Шайх Аҳмад ал Фаҳат ал Сабаҳ бо омодагӣ изҳор намуд, ки дар муддати кӯтоҳтарин шартномаи ҳамкорӣ миёни кумитаҳои олимпии Тоҷикистону Қувайтро ба имзо мерасонад ва дар доираи Шӯрои олимпии Осиё ва Ассотсиатсияи кумитаҳои миллии олимпӣ ба кишвари Тоҷикистон барои рушди ҳаракати олимпӣ ва умуман варзиши Тоҷикистон ҳамаҷониба мусоидат хоҳад кард.
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
