Барномаи нави Агентӣ ҷиҳати пешгирӣ аз нашъамандӣ

Душанбе, 24 июн. (АМИТ «Ховар», Ибодат Давлатова).-Бо мақсади пешгирии нашъамандӣ, нашъаҷаллобӣ, муомилоти ғайриқонунии маводи мухаддир, роҳ надодан ба қонуншиканӣ, тарғиби тарзи ҳаёти солим дар байни ҷавонону наврасон, ҳушдор намудани волидон дар тарбияи фарзанд ва дигар масоили вобаста бо ин мушкилӣ масъулини Агентии назорати маводи нашъадор дар ҳамбастагӣ бо шабакаи радиои «Тоҷикистон» барномаи наверо бо номи «Нури ақл» ташкил намуданд. Тавре ки ба мухбири АМИТ «Ховар» аз Агентии мазкур хабар доданд, ин барнома аз бахшҳои пешниҳоди маълумот оид ба зарари маводи гуногуни нашъаовар, суҳбат бо мутахасис, радиоролик, саволу ҷавоб бо шунавандагон ва мавзуъҳои тарғиби тарзи ҳаёти солим ва ватанпарастӣ иборат аст. Бояд гуфт, ки барномаи мазкур дар як моҳ ду маротиба сабти нав ва ду маротиба такрор пахш хоҳад шуд.