Беҳтар намудани системаи обтаъминкунии шимолу ҷануби кишвар
Душанбе, 26 июн.(АМИТ «Ховар», Марзия Саидова).-Созишномаҳои қарзӣ (кредитӣ) байни Корхонаи воҳиди давлатии (КВД) «Хоҷагии манзилию коммуналӣ» ва Бонки аврупоии таҷдид ва рушд (БАТР) оид ба лоиҳаи беҳтар намудани системаи обтаъминкунии шаҳрҳои шимол ва ҷануби Тоҷикистон (марҳиллаи дуюм)-ро имрӯз вакилони палатаи поёнии Парлумони Тоҷикистон- Маҷлиси намояндагон ба тасвиб расониданд. Алимурод Тағоймуродов- директори КВД «Хоҷагию манзилию коммуналӣ» зимни тавзеҳи масъалаи мазкур дар назди вакилони Парлумон гуфт, ки асосноккунии лоиҳа дар соли 2012 аз ҷониби мушовирони хориҷии лоиҳа ба анҷом расонида шуда буд. Санаи 14 декабри соли 2012 дар Душанбе байни Вазорати молияи Ҷумҳурии Тоҷикистон, БАТР, КВД «Хоҷагии манзилию коммуналӣ» ва мақомоти иҷроияи ҳокимияти давлатии шаҳрҳои шимолу ҷануби Тоҷикистон созишномаҳо оид ба қарз, кафолат ва дастгирии лоиҳа ба имзо расонида шуд. Созишнома оид ба лоиҳаи беҳтар намудани системаи обтаъминкунии шаҳрҳои шимол ва ҷануби Тоҷикистон (марҳилаи дуюм) шаҳру ноҳияҳои Истаравшан, Панҷакент, Шаҳристон ва Зафарободи вилояти Суғдро дар бар гирифта, барои гирифтани маблағи қарзӣ дар ҳаҷми 7 миллион $ амрикоӣ ба имзо расонида шудааст. Дар натиҷа маблағи умумии лоиҳа бо назардошти маблағҳои грантӣ 15, 5 миллион $ -ро ташкил менамояд. Аз ин 7 миллион $ миллион қарзи КВД «Хоҷагиии манзилию коммуналӣ» 8,5 миллион $ гранти БАТР аст. Маблағи барои лоиҳаи барқароркунии системаи обтаъминкунии шаҳрҳои ҷануби Тоҷикистон дар марҳиллаи дуюм пешбинишуда ноҳияҳои Ёвон ва Ҷалолидини Румиро дар бар гирифта, маблағи умумии ин лоиҳа 12 миллион $-и амрикоиро ташкил мекунад, аз ин маблағ ба ноҳияи Ёвон 5миллиону 800 ҳазор $ ба ноҳияи Ҷалолидини Румӣ 6 миллион $ аст. Татбиқи лоиҳаи барқароркунии системаи обтаъминкунии шаҳрҳои шимол ва ҷануби Тоҷикистон (марҳилаи дуюм) соли 2013 оғоз гардида, соли 2016 ба анҷом мерасад. Созишномаҳои мазкур бо мақсади расонидани кӯмаки молиявӣ ва таъмин намудани хизматрасониҳои обтаъминкунӣ аст. Пардохти аввали кредит 15 майи соли 2015 ва пардохти охирин он 15 ноябри соли 2028 аст.
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
