Бунёди майдончаи варзишӣ дар шаҳраки донишҷӯён

Душанбе,12 июн. (АМИТ «Ховар», Фарзонаи Давлат).- Шурӯъ аз имрӯз, 12-уми июн корҳои сохтмонии майдони варзишӣ дар шаҳраки донишҷӯёни Донишгоҳи миллии Тоҷикистон оғоз гардид. Тавре сардори раёсати сохтмони ширкати «Алюминсохтмон» Ҷамшед Тошев иттилоъ дод, барои иҷрои ин тарҳ 530 ҳазор доллари америкоӣ ҷудо шудааст ва корҳои сохтмонии онро кормандони КФД «Алюминсохтмон» иҷро хоҳанд кард.Гуфта мешавад, сохтмони майдончаи варзишӣ дар шаҳраки донишҷӯён дар масоҳати 2,964 метри квадратӣ то моҳи сентябри соли ҷорӣ пурра ба итмом расида, мавриди баҳрабардорӣ қарор хоҳад гирифт. Майдончаи варзишӣ аз майдони хурди футбол, баскетбол ва корти теннис иборат буда, барои беш аз ҳазор нафар пешбинӣ шудааст.Ёдрас мекунем, ки дирӯз, 11-уми июн дар маросими оғоз бахшидан ба корҳои сохтмонии майдончаи варзишии шаҳраки донишҷӯён ҳайати раёсати донишгоҳ ва намояндагони КФД «Алюминсохтмон», ки пудратчии ин тарҳ мебошад, иштирок доштанд.