Дар Туркия намоишҳои зиддиҳукуматӣ идома доранд

Истамбул, 5 июн. (АМИТ «Ховар», Катерина Аксакова). – Назар ба хабари матбуоти Туркия, дар ҷараёни бетартибиҳо дар ин кишвар 2 нафар ҳалок гардида, беш аз 20 нафар захм бардоштаанд.Бар асари қарори ҳукуматдорон барои сохтани маркази нави савдо дар боғи маҳаллӣ бетартибиҳои оммавӣ дар кишвар чанд рӯз боз идома доранд. Ҳамзамон Сарвазири Туркия Тайиб Эрдоган сарфи назар аз вусъати бетартибиҳо дар кишвар, барои боздиди корӣ ба Африқои Шимолӣ сафар кард. Номбурда пеш аз сафар мардуми кишварро даъват намуд, ки сабру таҳаммул намуда, дар намоишҳои эътирозӣ, ки ба гуфтаи ӯ ин намоишҳоро ифротталабон ташкил намудаанд, иштирок накунанд. Тайи рӯзҳои охир дар ҷараёни бетартибиҳои оммавӣ беш аз 2 ҳазор нафар дастгир гардида, дар 67 музофоти Туркия беш аз 200 намоиши эътирозӣ баргузор шуд.