Дарёфти зиёда аз 123 кг ҳашиш аз Камаз
Душанбе, 5 июн. (АМИТ «Ховар» Руқияи Боймамад).- Абдураҳими Умариён, сардори шуъбаи иттилооти Хадамоти гумруки назди Ҳукумати Ҷумҳурии Тоҷикистон ба АМИТ “Ховар” иттилоъ дод, ки кормандони Раёсати ташкили мубориза бар зидди ҳуқуқвайронкуниҳои гумрукӣ 31-уми майи соли равон тавонистанд дар пайи як амалиёти бобарор ба миқдори махсусан калон, яъне 123 кг 439 грамм маводи мухаддирро аз нашъаҷаллобон боздошт намоянд. Дар натиҷаи ташхиси лабораторӣ маълум гардид, ки аз ин миқдор маводи мухаддир 101 кг 594 граммашро ҳашиши тар, 18 кг 878 г.-ро ҳашиши қоқ ва 2 кг 967 гр.-ро героин ташкил медиҳад. Ин миқдор маводи мухаддир, ки ба шаҳрванд А.Холов тааллуқ дошт, тавассути нақлиёти Камаз аз ВМКБ ба пойтахти кишвар интиқол дода шуд. А. Холов ният дошт, ки ин миқдор маводи мухаддирро то ба шаҳри Душанбе расонида, аз ин ҷо ба вилояти Суғд ва ҳамин тавр, ба хориҷ аз кишвар интиқол диҳад, аммо дар пайи воқеан фаврӣ ва моҳирона ташкил намудани амалиёти махсус аз ҷониби кормандони Раёсати ташкили мубориза бар зидди ҳуқуқвайронкуниҳои гумрукии мақомоти гумрук ин миқдор нашъадор боздошт гардид. Дар ҷараёни идомаи корҳои тафтишотӣ, дар робита ба ҳолати мазкур аз ҷониби кормандони Раёсати ташкили мубориза бар зидди ҳуқуқвайронкуниҳои гумрукӣ якҷоя бо кормандони Раёсати корҳои дохилии шаҳри Душанбе боз 41кг-и дигар маводи нашъадори ҳашиш дарёфт шуд.Хотиррасон мекунем, ки аз ибтидои соли равон то ин дам аз ҷониби кормандони мақомоти гумрук 14 ҳолати қочоқ ва гардиши ғайриқонунии маводи мухаддир ошкор гардида, дар ҳаҷми 168 кг 584 грамм моддаҳои нашъадор боздошт ва мусодира гардидаанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






