Душанбе таҷрибаи бузургшаҳрҳоро меомӯзад

Душанбе, 10 июн. (АМИТ «Ховар», Марзия Саидова).-Шаҳрдории Душанбе таҷрибаи бузургшаҳрҳоро дар самти ободонию рушди меъморӣ ва сабзу хуррамсозӣ меомӯзад.Дар робита дар асоси қарори раиси шаҳри Душанбе Маҳмадсаид Убайдуллоев аз 11 то 23 июн як ҳайати бонуфузи шаҳри Душанбе бо мақсади омӯзиш ва истифодаи таҷрибаи ободонӣ, хуррамгардонӣ ва гулзоркунӣ ба шаҳрҳои Маскав, Краснодар, Сочи, ва Минск сафар менамоянд. Дар ҳайат Баҳром Юсупов- вакили Маҷлиси вакилони халқи шаҳри Душанбе, раиси Иттифоқи меъморони Тоҷикистон, Қудратулло Файзуллоев — сардори Сарраёсати меъморӣ ва шаҳрсозии шаҳри Душанбе, Абдусаттор Холов — сардори Сарраёсати кабудизоркунии пойтахт ва Гулбаҳор Давлатова — сардори шуъбаи шаҳрсозии Ҷамъияти саҳҳомии кушодаи «Шаҳрофар» шомил мебошанд.