«Эмомалӣ Раҳмон: Китобномаи шарҳиҳолӣ»
Душанбе, 6 июн. (АМИТ «Ховар», Раъно Нусратуллоева).- Имрӯз дар Китобхонаи миллии Тоҷикистон китоби «Эмомалӣ Раҳмон: китобномаи шарҳиҳолӣ» рӯнамоӣ гардид. Китобномаи мазкур бо ҳадафи танзиму феҳристбандӣ ва мавриди омӯзишу тарғиб қарор додани Президенти Ҷумҳурии Тоҷикистон Эмомалӣ Раҳмон таҳия шудааст. Китобнома аз мақолаи муқаддимавӣ, 3 қисм ва 13 зерқисм иборат аст. Мақолаи муқаддимавӣ роҷеъ ба зиндагинома ва паҳлуҳои мухталифи фаъолияти сиёсӣ ва роҳбарии Эмомалӣ Раҳмон маълумоти мушаххас медиҳад. Китобномаи мазкур маводи чопию электронии солҳои 1981-2012 нашршударо фаро гирифта, дар асоси захираи Китобхонаи миллии Тоҷикистон, веб-сайтҳои интернет ва китобномаҳои қаблан интишорёфта тартиб дода шудааст. Дар ҷамъомад директори Китобхонаи миллӣ Носирҷон Салимов, президенти Академияи илмҳои Ҷумҳурии Тоҷикистон Мамадшо Илолов, ноиби президенти Академияи илмҳои ҷумҳурӣ Кароматулло Олимов, директори Китобхонаи давлатии ҷумҳуриявии бачагонаи ба номи Мирсаид Миршакар Қурбон Авғонов, раиси Суди констутсионӣ Маҳкам Маҳмудов, вазири маориф Нуриддин Саидов, раиси Кумитаи ҷавонон, варзиш ва сайёҳӣ Маликшо Неъматов, сардори Раёсати рушди муассисаҳои фарҳангию фароғатии Вазорати фарҳанг Сафар Шосаидов, раиси Иттифоқи нависандагон Меҳмон Бахтӣ ва дигарон сухан гуфта, нисбат ба китоби мазкур фикру мулоҳизаҳо ва пешниҳодҳои худро ироа намуданд. Дар ҷамъомад зикр шуд, ки китобномаи мазкур метавонад китоби рӯимизии ҳамагон бошад.Китоби «Эмомалӣ Раҳмон: Китобномаи шарҳиҳолӣ» дар нашрияи «Эр-граф» бо теъдоди 500 нусха ба чоп расидааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






