Имзои ҳуҷҷатҳо дар Вазорати корҳои хориҷии Тоҷикистон
Душанбе, 3 май. (АМИТ «Ховар»).- Вазири корҳои хориҷии Ҷумҳурии Тоҷикистон Ҳамрохон Зарифӣ ва Сафири Фавқулодда ва Мухтори Япония дар Ҷумҳурии Тоҷикистон Ҳироюки Имаҳаши 31 май дар Душанбе аз номи ҳукуматҳои ду кишвар роҷеъ ба Лоиҳаи ҷудо намудани идрорпулиҳо барои донишҷӯёни тоҷик дар чаҳорчӯбаи кӯмакҳои бебозгашти Япония табодули ёддоштҳо намуданд. Ҳамзамон вазири корҳои хориҷии Ҷумҳурии Тоҷикистон Ҳамрохон Зарифӣ ва роҳбари Намояндагии Агентии Япония оид ба ҳамкории байналмилалӣ дар Ҷумҳурии Тоҷикистон Ҷиро Иида аз номи Ҳукумати Ҷумҳурии Тоҷикистон ва Агентии JICA Созишномаи грантиро оид ба татбиқи лоиҳаи мазкур ба имзо расонданд. Қобили зикр аст, ки сармояи омӯзишӣ дар доираи барномаи рушди захираҳои башарӣ барои кишварҳои рӯ ба тараққӣ, ки ниёзи зиёд ба рушди захираҳои башарӣ доранд, нигаронида шудааст. Барномаи мазкур барои 4 сол пешбинӣ шуда, дар Тоҷикистон аз соли 2009 шуруъ гардидааст. Барномаи мазкур кӯшишҳои Ҳукумати Ҷумҳурии Тоҷикистонро баҳри рушди захираҳои башарӣ дастгирӣ намуда, ба хизматчиёни ҷавони давлатӣ имкон медиҳад, то маҳорати касбии худро такмил диҳанд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
