Имзои Созишнома дар соҳаи маориф

Июнь 6, 2013 15:12

Душанбе, 6 июн (АМИТ «Ховар»).- Чанд рӯз қабл дар Минск, дар бинои Сафорати Ҷумҳурии Тоҷикистон дар Ҷумҳурии Беларус маросими имзои Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Беларус оид ба ҳамкорӣ дар соҳаи таҳсилоти олӣ ва таҳсилоти касбии баъд аз муассисаи олии таълимӣ доир гардид. Дар маросим Сарвазири Ҷумҳурии Тоҷикистон Оқил Оқилов ва аъзои ҳайати ҳукуматӣ, ки дар кори ҷаласаи Шӯрои сарони ҳукуматҳои давлатҳои иштирокчии ИДМ иштирок намуда буд, ҳузур доштанд. Созишномаро аз ҷониби Тоҷикистон – вазири маорифи Ҷумҳурии Тоҷикистон Нуриддин Саидов ва аз ҷониби Беларус – вазири маорифи Ҷумҳурии Беларус Сергей Маскевич имзо карданд. Бояд зикр намуд, ки Созишнома барои рушди ҳамкориҳо дар соҳаи таҳсилоти олӣ ва таҳсилоти касбии баъд аз муассисаи олии таълимӣ аз тариқи гирифтани таълимоти шаҳрвандони Тоҷикистон ва Беларус дар муассисаҳои таҳсилоти олӣ, академияҳои таҳсилоти баъдидипломӣ, донишкадаҳои такмили ихтисос ва бозомӯзӣ, донишкадаҳои рушди таҳсилот ва дигар муассисаҳои низоми маориф заминаи ҳуқуқӣ фароҳам меоварад. Санад, аз ҷумла, табодули донишҷӯён, кормандони омӯзгорӣ, иштирок дар олимпиадаҳо, озмунҳо, фестивалҳо, конфронсҳо, дар чорабиниҳои байналмилалии таълимӣ, рушди ҳамкориҳо миёни муассисаҳои таълимиро пешбинӣ мекунад.

Июнь 6, 2013 15:12

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд