Имзои як қатор қонунҳо аз ҷониби Сарвари давлат
Душанбе, 13 июн. (АМИТ «Ховар»). — Имрӯз Президенти Ҷумҳурии Тоҷикистон қонунҳоро «Дар бораи танзими асъор ва назорати асъор», «Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи муқовимат ба расмикунонии даромадҳои бо роҳи ҷиноят бадастоварда ва маблағгузории терроризм», «Оид ба ворид намудани илова ба Қонуни Ҷумҳурии Тоҷикистон «Дар бораи мубориза бар зидди терроризм», «Оид ба ворид намудани иловаҳо ба Қонуни Ҷумҳурии Тоҷикистон «Дар бораи нотариати давлатӣ», ки аз тарафи Маҷлиси намояндагон қабул гардида, Маҷлиси миллӣ онҳоро ҷонибдорӣ намудааст, ба имзо расонид.Қонунҳои баимзорасида пеш аз ҳама барои таҳкими муқовимат ба расмикунонии даромадҳои бо роҳи ҷиноят бадастоварда, пурзӯр намудани мубориза бар зидди терроризм ва маблағгузории терроризм, мукаммалгардонии қонунгузории Ҷумҳурии Тоҷикистон ва мутобиқгардонии онҳо ба санадҳои ҳуқуқии байналмилалӣ дар ин самт таҳия ва қабул гардида, дар маҷмӯъ ба ҳифзи ҳуқуқу озодӣ ва манфиатҳои инсону шаҳрванд, давлату ҷамъият, таҳкими қонуният, тақвият бахшидани мубориза бар зидди ҳама гуна ҷиноят, ба хусус ҷиноятҳои муташаккили фаромарзӣ, танзим ва назорати асъор нигаронида шудаанд.Қонунҳои мазкур ба Конститутсия ва санадҳои қонунгузории Ҷумҳурии Тоҷикистон мухолифат надошта, амалӣ намудани онҳо барои устувор гардидани мавқеи байналмилалии Тоҷикистон дар самти муқовимат ба расмикунонии даромадҳои бо роҳи ҷиноят бадастоварда, пурзӯр намудани мубориза бар зидди маблағгузории терроризм ва мутобиқгардонии қонунгузории Ҷумҳурии Тоҷикистон ба санадҳои ҳуқуқии байналмилалӣ дар ин самт иқдоми саривақтӣ ва муҳим мебошад.Матни пурраи қонунҳои баимзорасида рӯзҳои наздик дар рӯзномаҳои расмии кишвар интишор карда мешаванд.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






