Иншооти нави хадамотӣ дар Кӯлоб

Кӯлоб, 6 июн. (АМИТ «Ховар», С.Холов). — Бо дастгирии Ҳукумати мамлакат ва Вазорати корҳои дохилии Ҷумҳурии Тоҷикистон дар шаҳри Кӯлоб бинои наву замонавии дуошёна дар шафати раёсати корҳои дохилии минтақаи Кулоб мавриди баҳрабардорӣ қарор гирифт. Ошёнаи якуми бино аз чор утоқи корӣ иборат буда, дар он минбаъд панҷ нафар корманд фаъолият хоҳад кард. Ҳамаи утоқҳои корӣ бо таҷҳизоти муосири соҳавӣ таъмин шудаанд, ки ин имкон медиҳад шаҳрвандон сари вақт бо шиносномаҳо таъмин гарданд. Дар ошёнаи дуюми бино шуъбаи мубориза бар зидди ҷиноятҳои муташаккили гуруҳи шаҳру ноҳияҳои Кӯлоби вилояти Хатлон ҷойгир шудааст.