Иштироки Рустам Назаров дар конфронси IDEС (ИДЕК)

Душанбе, 5 июн. (АМИТ «Ховар, Лутфия Эшонқулова). – Директори Агентии назорати маводи нашъаовари назди Президенти Ҷумҳурии Тоҷикистон Рустам Назаров дар кори конфронси ХХХ байналмилалии зидди маводи нашъаовар (IDEС), ки 5 июн дар шаҳри Маскав баргузор мегардад, иштирок мекунад. Назар ба хабари маркази матбуоти Агентӣ, Рустам Назаров дар конфронс суханронӣ карда, дар ҷараёни он бо роҳбарони сохторҳои мубориза бо маводи нашъаовари бархе кишварҳои ҷаҳон якчанд мулоқоти дуҷониба анҷом медиҳад.Дар кори конфронс ҳамчунин намояндагони мақомоти ҳифзи ҳуқуқи 124 кишвар ва 11 созмони байналмилалӣ иштирок менамоянд.