М.Маҳмадаминов дар Форуми хизматчиёни давлатии СММ

Душанбе, 24 июн. (АМИТ «Ховар», Ибодат Давлатова).- Аз 24 то 27 июни соли ҷорӣ дар шаҳри Манамаи Шоҳигарии Баҳрайн Форуми хизматчиёни давлатии СММ таҳти унвони «Гузариш ба ҳукумати электронӣ ва инноватсия: таъсиси ояндаи нек барои ҳама» баргузор мегардад, ки дар кори он Маҳмадамин Маҳмадаминов, вазири меҳнат ва ҳифзи иҷтимоии аҳолии Ҷумҳурии Тоҷикистон иштирок менамояд. Тавре аз вазорати мазкур иттилоъ доданд, дар доираи форум ташкил намудани ҷаласаҳои пленарӣ, вохўриҳо, мизҳои мудаввар ва семинарҳо ба нақша гирифа шудааст, ки тибқи барномаи мувофиқагардида М. Маҳмадаминов дар мизи мудаввари вазирон дар мавзўи «Роҳҳои пеш бурдани инноватсия дар соҳаи идоракунии давлатӣ бо мақсади бунёди ояндаи нек барои ҳама», ки рўзи 24 июн баргузор мегардад, иштирок мекунад. Дар ин форум зиёда аз 700 нафар аз 97 кишвар иштирок хоҳанд кард.