Мавҷи эътирозҳо дар Туркия

Истамбул, 3 июн. (АМИТ «Ховар», Катерина Аксакова). – Мавҷи эътирозҳои оммавӣ дар Туркия паҳн гардид, ки сабаби он решакан намудани дарахтони боғи яке аз маҳаллаҳои марказии шаҳри Истамбул мебошад.Тавре ки васоити ахбори оммаи ин ҷо хабар медиҳад, бетартибиҳо дар шаҳри Истамбул баъди дар охири ҳафтаи гузашта зидди намоишгарон истифода намудани обпошакҳо ва гази ашковар оғоз ёфтанд. Тайи якчанд рӯз ошубҳои оммавӣ ҳама ҷойи кишварро фаро гирифта, эътирозҳои экологӣ ба намоишҳои зиддиҳкуматӣ табдил ёфтанд. Дар ҳамаи шаҳрҳои калони Туркия аз қабили Истамбул, Анқара, Измир, Адан ва ғайра иштирокдорони намоишҳо истеъфои ҳукуматро талаб мекунанд. Суди шаҳри Истамбул тасмим гирифт, ки корҳои азнавсозии боғ қатъ карда шаванд, зеро ин амал боиси решакан намудани дарахтон мегардад. Дар майдони асосии шаҳри Анқара қариб 8 ҳазор нафар намоишчиён ҷамъ омада буданд.