Мулоқоти Эмомалӣ Раҳмон бо Свен Алкалай

Июнь 21, 2013 11:45

Душанбе, 21 июн (АМИТ «Ховар»).-Имрӯз Президенти кишвар Эмомалӣ Раҳмон, ҳамчунин Котиби иҷроияи Комиссияи Аврупоии Иқтисодии Созмони Милали Муттаҳид (СММ) Свен Алкалайро ба ҳузур пазируфт.Дар мулоқот масоили вобаста ба рушди ҳамкории гуногунҷанбаи Тоҷикистону Созмони Милали Муттаҳид баррасӣ шуд.Таваҷҷуҳи зиёд ба масоили омодагӣ ба Конфронси байналмилалии сатҳи олӣ доир ба об, ки моҳи августи соли равон таҳти васоёи СММ дар шаҳри Душанбе баргузор мегардад, зоҳир карда шуд.Бо қаноатмандӣ зикр гардид, ин конфронс ва чорабиниҳои зиёди дигари байналмилалию минтақавӣ дар гӯшаҳои гуногуни олам дар доираи Соли байналмилалии ҳамкорӣ дар соҳаи об, ки бо пешниҳоди Тоҷикистон аз ҷониби Маҷмаи кулли СММ эълон шудааст, баргузор мегарданд.Гуфтугӯйи судманд, ҳамчунин доир ба татбиқи босамари ҳадафҳои Барномаи махсуси Созмони Милал барои иқтисодиёти кишварҳои Осиёи Марказӣ — СПЕКА сурат гирифт. “Мо ҷонибдори татбиқи минбаъдаи авлавиятҳои ин Барнома ҳастем, вале, мехоҳем, ки фаъолияти он бештар шаклҳои мушаххасро пайдо намуда, самараноктар бошад”, — изҳор дошт Президенти Тоҷикистон Эмомалӣ Раҳмон.Ҷонибҳо, ҳамчунин доир ба авзои кунунӣ ва дурнамои Афғонистон, роҳҳои бартарафсозии мушкилу монеаҳои ҳамкории минтақавӣ дар Осиёи Марказӣ ва дигар мавзӯъҳои мавриди таваҷҷуҳ гуфтугӯй намуданд.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.

Июнь 21, 2013 11:45

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд