Мусобиқаи волейбол миёни кормандони тиб

Июнь 17, 2013 14:22

Душанбе, 17 июн. (АМИТ «Ховар», Ибодат Давлатова).- Аз 15 июни соли равон дар варзишгоҳи коллеҷи ҷумҳуриявии тиббии Тоҷикистон мусобиқаи волейбол байни дастаҳои мардона ва занонаи Вазорати тандурустӣ идома дорад. Тавре ки ба мухбири АМИТ «Ховар» аз Вазорати тандурустӣ иттилоъ доданд, мусобиқаи мазкур аз 15 июн то 6 июли соли ҷорӣ байни дастаҳои варзишии мардона ва занонаи муассисаҳои соҳа, бахшида ба рӯзи Ваҳдати миллӣ, таҷлили зодрӯзи алломаи тоҷик Абӯалӣ ибни Сино, иди касбӣ – Рузи кормандони тибби Ҷумҳурии Тоҷикистон ва 22-солагии Истиқлолияти давлатии Ҷумҳурии Тоҷикистон дар шаҳри Душанбе гузаронида мешавад. Ҳадаф аз баргузории мусобиқа ташвиқу тарғиби тарзи ҳаёти солим, ташкил ва эҳё намудани дастаҳои волейбол дар муассисаҳои тандурустии ҷумҳурӣ ва муайян намудани дастаҳои ғолиб дар байни онҳо мебошад. Дар мусобиқа 20 дастаи мардона ва 10 дастаи занона аз муассисаҳои соҳа байни ҳам қувваозмоӣ мекунанд. Ғолибон бо ҷом, ифтихорнома ва тӯҳфаҳои хотиравии таъсиснамудаи Кумитаи тадорукот қадршиносӣ хоҳанд шуд.

Июнь 17, 2013 14:22

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд