Мусодираи маводи мухаддир аз зани 37 сола

Душанбе, 19 июн. (АМИТ «Ховар» Фарзонаи Давлат).- Дарёфт ва мусодираи беш аз 5 кило маводи нашъадори «афюн» аз як зани 37-сола.Тавре сомонаи расмии Вазорати корҳои дохилии кишвар хабар медиҳад,аз ҷониби кормандони шуъбаи Вазорат дар ноҳияи Дарвоз зимни гузаронидани чорабиниҳои оперативӣ-ҷустуҷӯӣ ҳамчун гумонбар дар ғайриқонунӣ нигоҳ доштани маводи нашъадор шаҳрванд Дилбар Саъдуллоеваи 37-сола, сокини ноҳияи Рӯшон боздошт шуд. Ҳангоми азназаргузаронии манзили истиқоматии ӯ 1 халтаи полиэтиленӣ, ки дар дохилаш 5 килою 427 грамм маводи нашъадори «афюн» буд, дарёфт ва мусодира гардид. Феълан аз рӯи ин ҳодиса парвандаи ҷиноӣ оғоз гардида, тафтиш идома дорад.