Парчами Тоҷикистон дар шаҳри Барнаул барафрохта шуд

Душанбе, 4 июн. (АМИТ «Ховар», Зарангез Латифова).- Бахшида ба ҷашни 40-солагии Донишгоҳи давлатии Олтойи Федератсияи Русия дар шаҳри Барнаул нахустин Анҷумани муассисони Ассотсиатсияи донишгоҳҳои Осиё баргузор гардид. Дар ҷараёни Анҷумани мазкур аз ҶТ муовини ректори ДМТ оид ба робитаҳои байналмилалӣ, профессор Қудрат Давлатов иштирок намуда, Тоҷикистон ва ДМТ-ро муаррифӣ намуд. Бояд зикр намуд, ки дар ин анҷуман намояндаҳои 32 донишгоҳ, аз давлатҳои Арманистон, Қазоқистон, Қирғизистон, Муғулистон, Русия, Тоҷикистон, Тайланд ва Чин ширкат варзиданд. Маросими тантанавии барафрохтани парчами давлатҳое, ки донишгоҳҳояшон аъзои Ассотсиатсияи донишгоҳҳои Осиё будаанд, бо иштироки меҳмонон аз 8 давлати аъзои ассотситатсия, губернатори кишвари Олтой А.Б. Карлин, раиси шаҳри Барнаул И. Савинец ва ҳайати устодон ва донишҷўёни Донишгоҳи давлатии Олтой баргузор гардид. Дар ин чорабиние, ки дар майдони марказии шаҳри Барнаул доир шуд, парчами Ҷумҳурии Тоҷикистон низ барафрохта шуд. Аз ҷониби ар натиҷаи овоздиҳӣ Президенти ассотсиатсия ректори Донишгоҳи давлатии Олтой С.В. Землюков ба муддати 2 сол интихоб гардид. Баъди интихоби Президенти ассотсиатсия ректори ДМТ профессор Маҳмадюсуф Имомовро ноиби Президенти Ассотсиатсияи донишгоҳҳои Осиё интихоб карданд. Дар ин чорабинӣ аз ҷониби ректори Донишгоҳи давлатии Олтой ба унвонии Маҳмадюсуф Имомов, ректори ДМТ «Раҳматнома» барои дастгирии ташкили ассотсиатсия ва иштироки фаъоли намояндаи Тоҷикистон дар кори он супорида шуд.