Роҳҳои Ашту Ғончӣ мумфарш мешаванд
Душанбе, 5 май. (АМИТ «Ховар», Баҳманёр Муродов). — Раиси вилояти Суғд Қоҳир Расулзода ҳангоми боздид аз ноҳияҳои Ашту Ғончӣ гуфтааст, мумфаршкунии кӯчаҳои асосии марказҳои ин ноҳияҳо рӯзҳои наздик шуруъ мешавад. Дар ин бора Хадамоти матбуоти раиси вилояти Суғд иттилоъ дода, афзудааст, ки ҳамчунин Қоҳир Расулзода дар ҷараёни сафараш аз маркази хизматрасонии «Файз» ва ҶДММ «Ороста»-и ноҳияи Ғончӣ дидан карда, дар ноҳияи Ашт ба фаъолияти яхдони нигаҳдории меваҳо, ки аз ҷониби соҳибкор Пӯлод Ашӯров бунёд шудааст, ошно шуд. Гуфта мешавад масоҳати яхдони мазкур 625 метри мурабаъ буда, дар як вақт то 200 тонна мева дар он нигоҳдорӣ мешавад. Дар он 50 нафар бонувони маҳаллӣ ба кор ҷалб шудаанд ва маоши якрӯзаашон 35-40 сомониро ташкил медиҳад. Ҳамчунин мақомоти иҷроияи ҳокимияти давлатии вилоят дар маркази ноҳияи Ашт бо сарфи 1 миллиону 900 ҳазор сомонӣ толори варзишии замонавӣ бино намудаанд, ки рӯзҳои наздик он мавриди истифода қарор мегирад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






