Сафари Ш.Хайруллоев ба Минск
Душанбе, 4 июн. (АМИТ «Ховар»). – Имрӯз вазири мудофиаи Тоҷикистон Шералӣ Хайруллоев барои иштирок дар ҷаласаи Шӯрои вазирони мудофиаи ИДМ ба пойтахти Беларус шаҳри Минск рафт. Мувофиқи хабари хадамоти матбуоти Кумитаи иҷроияи ИДМ, рӯзномаи мулоқот иборат аз 20 масоили марбут ба такмили минбаъдаи низоми ҳамкории бисёрҷониба дар бахши ҳарбии фазои ИДМ мебошад. Вазирони мудофиа, аз ҷумла, масоили марбут ба Соли Муҳофизи Ватан дар ИДМ эълон шудани соли 2017, ҳамкорӣ дар истифодаи низоми алоқаи сафинавии дорои аҳамияти ҳарбӣ, назорати ҳолати техникии лавозимоти ҳарбиро мавриди муҳокима қарор дода, феҳрасти тадбирҳои муштараки қувваҳои мусаллаҳ барои соли 2014 – ро мутобиқ намуда, лоиҳаҳои созишномаҳо дар бораи ҳамкории қӯшунҳои муҳандисии қувваҳои мусаллаҳи кишварҳои Иттиҳод дар бахши безараргардонии минаҳо ва ҳамкорӣ барои таъмини топографию геодезиро баррасӣ мекунанд. Иштирокдорони ҷаласа ҳамчунин таҳрири нави Низомномаи Кумитаи ҳамоҳангсозӣ аз рӯи масоили мудофиа аз ҳуҷуми ҳавоии назди Шӯрои вазирони мудофиаи ИДМ ва маблағгузории рушди низоми муттаҳидаи мудофиа аз ҳуҷуми ҳавоӣ дар соли 2014 – ро баррасӣ намуда, дар бораи роҳандозии машқи муштарак бо истифода аз оташфишонии қӯшунҳои низоми муттаҳидаи мудофиа аз ҳуҷуми ҳавоии ИДМ таҳти унвони «Иттиҳоди низомӣ — 2013» қарор қабул мекунанд.Вазирони мудофиа дар ҷараёни мулоқот натиҷаи Озмуни дуюми байналмилалӣ барои асари беҳтарини журналистӣ бахшида ба 20 – умин солгарди таъсисёбии Шӯрои вазирони мудофиаро ҷамъбаст намуда, ҳамчунин дар бораи соли 2013 доир намудани Озмуни 5 – уми байналмилалии маҳорати ҳарбию касбии хидматчиёни ҳарбии артишҳои кишварҳои дӯст таҳти унвони «Ҷанговари Иттиҳод» қарор қабул мекунанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






