Шарикони асосии Тоҷикистон дар бахши содирот
Душанбе, 21 июн. (АМИТ «Ховар», Покиза Маҳмадбекова). – Туркия, Эрон, Афғонистон, Чин, Русия ва Қазоқистон тайи ним соли охир шарикони асосии Тоҷикистон дар бахши содирот ба шумор мераванд. Мувофиқи маълумоти Агентии омори назди Президенти ҶТ, аз ҷумлаи ҳаҷми умумии содироти амвол ҳиссаи Туркия 39,5 фоиз ва Эрон 14,6 фоизро ташкил медиҳад. Ба кишварҳои зикршуда молҳои металлургияи ранга, аз ҷумла, алюминии хом ва нахи пахта фиристода мешавад. Дар ин муддат маблағи содирот ба Туркия беш аз 210 миллиону 800 ҳазор доллари ИМА ва воридот 51 миллиону 600 ҳазор долларро ташкил дод. Федератсияи Русия дар бахши муомилоти мол бо мамлакатҳои хориҷӣ мақоми аввалро касб намудааст. Муомилоти моли байни Тоҷикистону Русия беш аз 366 миллиону 300 ҳазор доллари ИМА – ро ташкил дод. Тайи панҷ моҳи соли равон ҳаҷми содирот 534 миллиону 300 ҳазор долларро ташкил дод, ки ин нисбат ба ҳамин давраи соли гузашта баробари 23 миллион доллари ИМА ё 4,1 фоиз камтар аст. Ҳамзамон ҳаҷми воридот дар давраи ҳисобот баробари 1 миллиарду 608 миллиону 500 ҳазор доллар буд, ки нисбат ба соли гузашта баробари 129 миллиону 700 ҳазор доллар ё, 8,8 фоиз зиёд аст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






