Стратегияи нави миллии рушд таҳия мегардад

Июнь 18, 2013 13:56

Душанбе, 18 июн.(АМИТ „Ховар“, Марзия Саидова).- „Алҳол Ҳукумати Ҷумҳурии Тоҷикикистон дар ҳамкорӣ бо шарикони рушд ба омода намудани стратегияи нави миллии рушд барои давраи то соли 2030 шуруъ намудааст“, -гуфт дар назди вакилони Парлумони мамлакат Шариф Раҳимзода -вазири рушди иқтисод ва савдои кишвар.Вазир афзуд, ки дар ин стратегия рушди тамоми минтақаҳои Тоҷикистон дар сатҳи якхела таъмин карда мешавад. То ҷое мусаллам аст, алҳол дар ҷумҳурӣ стратегияи миллии рушд то соли 2015 татбиқ гардида истодааст. Охири соли 2012 дар ҷумҳурӣ стратегияи баланд бардоштани сатҳи некӯаҳволии ҷомеаи Тоҷикистон барои солҳои 2013-2015 қабул шуд, ки самти афзалиятноки ин стратегия аз доираи сатҳи камбизоатӣ баровардани аҳолӣ ва ба сатҳи миёнаи рӯзгор расонидани онҳо нигаронида шудааст. Вазир ҳамзамон дар мавриди лоиҳаи Қонуни Ҷумҳурии Тоҷикистон „Дар бораи минтақаҳои куҳии Ҷумҳурии Тоҷикистон“ дар Парлумон гузориш дод. Зикр гардид, ки қабули лоиҳаи қонуни мазкур ба инобат гирифтани хусусиятҳои хоси минтақаҳои куҳӣ, шароити зисти мардум, сохтмони корхонаҳое, ки дар ин минтақаҳо сохта ба истифода дода мешаванд муҳим буда, дар рушди минтақҳои куҳии Тоҷикистон мусоидат менамояд. Ш. Раҳимзода таъкид кард, ки дар Тоҷикистон баланд бардоштани сатҳи зиндагии аҳолии минтақаҳои куҳии кишвар дар маркази таваҷҷуҳи Ҳукумати мамлакат қарор дошта, барои рушди баробарвазни сатҳи иҷтимоии аҳолии кишвар диққати махсус дода мешавад.

Июнь 18, 2013 13:56

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд