Таваҷҷуҳи ҲХДТ ба варзиш ҳамчун нерӯи солимгардонии ҷомеа

 Душанбе, 10 июня. (АМИТ «Ховар», Фарзона Достонзода).- Мусобиқаи варзишӣ дар намуди вазнбардорӣ бо ибтикори ташкилоти ибтидоии ҲХДТ «Сохтмончӣ»-и Агентии сохтмон ва меъморӣ 8 июн дар толори варзишии «Шаҳрофар» баргузор гардид.  Тавре ки ба АМИТ «Ховар» раиси КИ ҲХДТ дар ноҳияи Шоҳмансур А.Қаландаров хабар дод, аз ҳайати доварон Одинаев Эраҷ, Қурбонов Юсуф ва Маллаев Сафар ба қобилияти варзишӣ ва малакаи вазнбардории 45 нафар дӯстдорони варзиш воқеъбинона доварӣ намуданд. Иштирокчиёни мусобиқа дар вазнҳои 50-60, 60-70, 70-80 ва 80-90 кг қувваозмоӣ карданд.  Иштирокчиёни беҳтарини мусобиқа Ғуломов Шодихон бо бардоштани 70 кг, Ҳасанов Шоҳинбек — 80 кг, Ҳасанов Некрӯз — 100 кг ва Ахмедов Юсуф бо бардоштани 130 кг вазн ғолиб гардида, ҳар кадоми онҳо бо мукофотпулӣ сарфароз гардиданд.