Технологияҳои иттилоотии китобхонаҳои Тоҷикистон

Душанбе, 28 июн. (АМИТ «Ховар», Фарзона Достонзода). – Бо ибтикори Муассисаи давлатии «Маркази миллии патентию иттилоотӣ» чанде пеш дар шаҳри Душанбе семинари омӯзишӣ дар мавзӯи «Истифодаи технологияҳои иттилоотӣ дар китобхонаҳои Ҷумҳурии Тоҷикистон» баргузор гардид. Тавре ки аз Муассисаи зикршудаи давлатӣ ба АМИТ «Ховар» хабар доданд, дар кори семинар 20 нафар мутахассисони китобхонаҳои донишкадаҳои олӣ ва Китобхонаи Миллии Тоҷикистон иштирок намуданд.Мавзӯи асосии семинари омӯзишӣ иборат аз усулҳои истифодаи захираҳои иттилоотии Китобхонаи илмии Тоҷикистон дар донишкадаҳои олӣ ва китобхонаҳои ҷумҳурӣ буд.