Ваъдаи Сафири Туркия ба Донишгоҳи омӯзгорӣ

Июнь 3, 2013 09:07

Душанбе, 3 июн. (АМИТ «Ховар», Раъно Нусратуллоева).31-уми май, дар факултаҳои Донишгоҳи давлатии омӯзгории Тоҷикистон ба номи С.Айнӣ бо ширкати Сафири Ҷумҳурии Туркия дар Тоҷикистон Муҳаммад Мунис Дарӣ ва роҳбари лоиҳаи туркии TIKO Абдуллобеҳ Сарӣ технологияҳои муосире, ки бо кӯмаки ин сафорат дастрас гардида буданд, мавриди истифода қарор гирифтанд. Бино ба иттилои котиби матбуотии донишгоҳ Бахтиёри Абдураҳим меҳмонон аз ҳолати барқарорнамоӣ ва истифодаи таҷҳизоти техникӣ дар факултаҳо дидан намуда, бо донишҷӯён суҳбатҳои судманд анҷом доданд.Ректори донишгоҳ Абдуҷаббор Раҳмонов дар ин маросим зикр кард, ки дар асоси ҳамкориҳои дуҷониба сафорати Ҷумҳурии Туркия тавассути ширкати TIKO 13 тахтаи электронӣ , 15 компютеру ноутбук ва 13 принтер ба таълимгоҳи мо тақдим кард, ки маблағи умумии он 120 ҳазор сомониро ташкил медиҳад. Итминони комил дорем, ки ин гуна ҳамкориҳо дар оянда боз ҳам тақвият меёбанд.Дар мулоқоти хосае, ки миёни намояндагони Сафорати Туркия ва Донишгоҳи омӯзгорӣ сурат гирифт, сафир М.Дарӣ изҳор дошт, ки давоми соли ҷорӣ ва дар соли оянда ин навъ кӯмакҳо боз расонида хоҳанд шуд. Сафир, ҳамчунин, ваъда дод, ки дар ҳолати аз ҷониби донишгоҳ пешниҳод гардидан онҳо имкон доранд, ки ба як қатор аспирантони лаёқатманд стипендия муқаррар намоянд. Дар мулоқот меҳмонон, ҳамзамон, таъкид доштанд, ки муддати сафирии М.Дарӣ ба ҷуз аз Донишгоҳи омӯзгорӣ дигар макотиби олии Тоҷикистон барои ҳамкорӣ муроҷиат накардаанд.Хотирнишон месозем, ки 30-юми май бо дастгирии ширкати Талко дар факултаи математикаи ҳамин донишгоҳ як синфхонаи васеъ бо технологияҳои муосир муҷаҳҳазонида шуд, ки маблағи умумии он 120 ҳазор сомониро ташкил медод.

Июнь 3, 2013 09:07

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд