Журналистон ба истифодаи дурусти антибиотикҳоро омӯхтанд
Душанбе, 20 июн. (АМИТ «Ховар», Ибодат Давлатова).-Дирӯз дар Маркази иттилоот оид ба маводи дорувории Донишгоҳи давлатии тиббии Тоҷикистон ба номи Абӯалӣ ибни Сино дар мавзӯи «Истифодаи дурусти антибиотикҳо. Антибиотикорезистентнокӣ ва роҳҳои пешгирии он» даври омӯзишии якрӯза барои рӯзноманигорон доир гардид. Аз маркази матбуоти Вазорати тандурустӣ ба АМИТ «Ховар» иттилоъ доданд, ки ҳадаф аз гузаронидани чунин даври омӯзишӣ боло бурдани маърифати тиббии мардум оид ба истифодаи дурусти доруҳои антибиотикӣ ва расонидани маълумоти саҳеҳу дуруст ба аҳолӣ аз тариқи воситаҳои ахбори омма мебошад. Ин даври омӯзишӣ аз ҷониби маркази матбуоти Вазорати тандурустии Ҷумҳурии Тоҷикистон, Маркази иттилоот оид ба маводи дорувории Донишгоҳи давлатии тиббии Тоҷикистон, лоиҳаи USAID «Тандурустии босифат» роҳандозӣ шуд. Ширкаткунандагони ин чорабинӣ дар бораи истифодаи дурусти антибиотикҳо, таҷрибаи тавсияи доруҳо, оқибатҳои истифодаи нодуруст, худмуолиҷа ва худтавсияи доруҳо маълумоти кофӣ гирифтанд. Инчунин дар рафти даври омӯзишӣ хабарнигорон дар саҳначаҳои хурд нақши «табиб» ва «бемор»-ро иҷро карда, сипас дар муҳокимаҳои умумӣ муносибати табибон, ширкатҳои фармасевтӣ, фурӯшандагони маводи доруворӣ ва мардумро ба риштаи таҳлил кашиданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






