Ҳисор: авҷи бунёдкориҳо

Ҳисор, 25 июл. (АМИТ «Ховар», Ҳотам Рабиев).- Ширкати теъдоди хеле зиёди хабарнигорон имкон дод, ки нишасти матбуотӣ дар ноҳияи Ҳисор пурмуҳтаво ҷараён гирад. Раиси ноҳияи Ҳисор Усмон Сабзов дар бораи рушди иҷтимоиву иқтисодии ноҳия дар ним соли аввал маълумоти мухтасар дод. Сипас раиси ноҳия ва дигар масъулини мақомоти иҷроия ба суолҳои хеле зиёди хабарнигорон посух дода, дар бораи тадбирҳои андешидаи мақомот ва дигар сохторҳои қудратӣ ҷиҳати рафъи камбудиҳои ҷойдошта маълумоти муфассал доданд.Кишоварзони ноҳияи Ҳисор имсол ҳосили фаровони пилла, ғалла ва меваҷотро парвариш ва ҷамъоварӣ карданд. Аз ҷумла, боғпарварон имсол зиёда аз 200 тонна гелосро пешкаши харидорон намуданд.Алҳол корҳои омодагӣ ба ҷашни 3000- солагии Ҳисор дар тамоми ноҳия бо ҷушӯ хурӯш идома доранд.