60 нафар имомхатиб аз курси бозомӯзӣ гузаштанд

Душанбе, 10 июл. (АМИТ “Ховар”, Баҳманёр Муродов).-Бо мақсади баланд бардоштани савияи дониши динии имомхатибон дар 6 моҳи соли 2013-ум 60 нафар ба курси бозомўзӣ ҷалб гардида, ҳамчунин бо дастгирии Давлати Қатар 20 нафар кормандони соҳаи дин ва имомхатибон ба ин кишвар барои бозомўзии якмоҳа ва табодули таҷриба фиристода шуданд.Ин нуктаро муовини Раиси Кумитаи оид ба корҳои дини Ҷумҳурии Тоҷикистон Мавлон Мухторов дар як нишасти хабарӣ дар Душанбе зикр карда, афзуд, ки моҳи июни соли ҷорӣ дар шаҳри Қурғонтеппа барои имомхатибон, сармутахассисони ҷамоат ва дигар занҳои фаъол курси бозомўзӣ дар мавзуъҳои ҳуқуқ ва озодиҳои динӣ, таҳаммулгароиву инсондўстӣ, солимии репродуктивӣ, баробарҳуқуқии мардону занон, банақшагирии оила, пешгирии бемориҳои ВНМО (ВИЧ), зўроварии оилавӣ, худкушии духтарону занон, табъизи шахсони мубталои бемориҳои сироятӣ ташкил карда шуд.Ин ҳам дар ҳолест, ки Эмомалӣ Раҳмон, Президенти Ҷумҳурии Тоҷикистон дар мулоқоти худ бо намояндагони аҳли ҷомеаи кишвар таъкид карда буд, ки бояд имомхатибон дорои дониши баланди диниву дунявӣ бошанд.