Амалишавии 68 лоиҳаи инвеститсионӣ дар кишвар

Душанбе,26 июл. (АМИТ «Ховар, Фарзонаи Давлат).- Дар шаш моҳи аввали соли равон маблағҳои азхудгардида дар лоиҳаҳои муштараки инвеститсионӣ беш аз 600 млн. сомониро ташкил кардаанд, ки 14 млн. сомонӣ ҳиссаи буҷаи ҳукумати ҷумҳурӣ мебошад,- гуфт Сафаралӣ Наҷмиддинов, вазири молияи кишвар зимни ҳисоботи шашмоҳаи худ бо хабарнигорон.Бино ба иттлои ӯ, маблағҳои азхудгардида дар лоиҳаҳои муштараки инвеститсионӣ беш аз 600 млн. сомониро ташкил мекунанд ва 14 млн. сомонӣ ҳиссаи буҷаи ҳукумати ҷумҳурӣ мебошад, боқӣ 221 млн сомонӣ маблағҳои қарзӣ ва 241 млн. сомонӣ маблағҳои грантӣ мебошанд, ки ин маблағҳо ба соҳаҳои нақлиёт, энергетика, хоҷагии манзилию коммуналӣ, кишоварзӣ, маориф, тандурустӣ ва ичтимоӣ равона гардидаанд.Феълан дар ҷумҳурӣ 68 лоиҳаи муштараки инвеститсионии давлатӣ дар ҳамкорӣ бо ташкилотҳои байналмилалии молиявӣ ба маблағи 2 млрд. доллари амрикоӣ амалӣ гардида истодааст,- афзуд С Наҷмиддинов дар нишасти матбуотии худ бо хабарнигорон.