Ба Кодекси андоз тағйиру илова ворид мекунанд?

Июль 30, 2013 12:25

Душанбе, 30 июл. (АМИТ «Ховар», Бекназари Абӯбакр). – Дар давоми шашмоҳаи аввали соли ҷорӣ шумораи умумии соҳибкорон 8,5 ҳазор зиёд гардида, шумораи соҳибкорони бо патент фаъолияткунанда 5,4 ҳазор коҳиш ёфтааст. Дар ин бора зимни нишасти матбуотӣ 30 июл муовини аввали раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Шуҳрат Раҳматбоев иттилоъ дод. Вай сабабҳои коҳиши соҳибкорони бо патент фаъолияткунандаро шарҳ дода, гуфт, ки асарияти онҳо аз патент ба шаҳодатнома гузаштанд, яъне доираи фаъолияти худро васеътар намуданд. Омилҳои дигар ҳам бисёранд, аз ҷумла шояд таъсири Кодекси нави андоз, наёфтани маблағҳои зарурӣ, шароити дурусти корӣ ва ғайраҳо. Роҷеъ ба масъалаи таъсири Кодекси нави андоз ба фаъолияти соҳибкорон Ш. Раҳматбоев зикр намуд, ки вобаста ба таҳлилу баррасии Кодекси нави андоз дар назди Вазорати молия комиссияи махсус таъсис шудааст, ки ин масъаларо ҳаматарафа омӯхта, рӯзҳои наздик хулосаи худро сари ин масъала ба Ҳукумати мамлакат пешниҳод менамояд. «Шояд бо назардошти таклифу пешниҳодҳои ин комиссия Ҳукумати мамлакат ба Кодекси андоз тағйиру иловаҳо ворид намояд», — гуфт дар хотима Ш. Раҳматбоев.

Июль 30, 2013 12:25

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд