«Барқи Тоҷик»: Афзоиши 141,9 фоиз қарзи дебиторӣ

Душанбе, 29 июл. (АМИТ «Ховар» Зарангез Латифова).-Тибқи маълумотҳои фаврӣ қарзи дебитории ширкати «Барқи тоҷик» аз ҳисоби истифодаи энаргияи барқ ва гармӣ дар нимсолаи ҷорӣ ба маблағи 141, 9 млн. сомонӣ афзоиш ёфта, то 1 уми июли соли 2013 ба 914 млн. сомонӣ баробар шуд, таъкид намуд ин нуктаро муовини раиси «Барқи Точик» Абдулло Қурбонов дар нишасти хабарӣ. Ӯ дар идома гуфт, қарзи дебитории ширкат то ҳолати 1- уми июли соли равон аз ҳисоби баъзе истифодабарандагони азим чунин аст: корхонаҳои Вазорати мелиоратсия ва захираҳои об- 229, 8 млн. сомонӣ , корхонаҳои соҳаи кишоварзӣ — 52, 9 млн. сомонӣ , аҳолӣ — 365, 9 млн. сомонӣ.