Баргузории фестивали «Гулу гиёҳ» дар Душанбе

Душанбе, 1 июл. (АМИТ «Ховар»).- Шуруъ аз 2 июли соли равон дар шаҳри Душанбе бо ташаббуси Муассисаи давлатии илмии «Боғи марказии ботаники Тоҷикистон» ва ҳамдастии «Боғи миллӣ» ва Ширкати гулкадаи «Ситораи беназир»- и Ҷумҳурии Исломии Эрон Фестивали «Гулу гиёҳ» баргузор мешавад. Гуфта мешавад, дар ҷараёни ин фестивал, ки дар назар аст, то 6-уми июл идома ёбад як қатор чорабиниҳо, аз қабили коргоҳи омӯзиши кӯдакону наврасон, коргоҳи тахассусии хоҷагиҳои деҳқонӣ, коргоҳи омӯзиши гулу гиёҳ ва намоиши умумӣ баргузор гарданд.