Чанд хабар аз хориҷи кишвар

Июль 11, 2013 16:59

Ҳамлаи террористӣ дар Покистон Душанбе, 11 июл. (АМИТ «Ховар»).-Дар шаҳри Қарочии Покистон сардори Хадамоти амнияти Президенти кишвар Билол Шайх бо 2 тан аз ҳамроҳонаш қурбони як амали террористӣ гардиданд. Тавре ки расонаҳои хабарии кишвар мегӯянд, Президенти Покистон Осиф Алӣ Зардорӣ ин амали террористиро сахт маҳкум намудааст. Бояд гуфт, ки маргталаб таҷҳизоти таркандаро ҳамроҳи худ дар шафати бинои қароргоҳи Ҳизби ҳокими мардумӣ мунфаҷир кардааст. Дар пайи ҳодиса чанд нафари дигар низ захмӣ шудаанд. Гуфта мешавад, номбурда соли гузашта низ аз як амали сӯиқасд ҷон ба саломат бурда буд. Ҳоло бошад, дар маҳалли ҳодиса амният пурзӯр гардида, то кунун масъулияти ҳамларо касе ё гуруҳе ба уҳда намегирад. Сӯхтор дар Федератсияи РусияТавре ки дар торномаи интернетии www.Russian ToDay навишта шудааст, то ҳол дар минтақаҳои гуногуни Федератсия Русия сӯхтори ҷангалзор идома дорад. Ин навбат сӯхтор минтақаи Чукоткаи Русияро фаро гирифта, оташ дар масоҳати 500 гектар замин аланга мезанад. Барои хомӯш намудани алангаи оташ 22 нафар бо истифода аз техникаҳои пуриқтидор ва чархболҳо талош мекунанд. Оташсӯзӣ ҳамчунин дар Ҷумҳурии Ёқутистон ва кишвари Камчатка низ ба назар мерасад. Аз мавсими сӯхторҳо то инҷониб дар Шарқи Дур 888 сӯхтор ба қайд гирифта шудааст, ки 419 ҳазору 896, 4 гектарро фаро мегирад. Садамаи нақлиётӣ дар Перу Дирӯз дар қаламрави Перу боз як садамаи мудҳиши наклиётӣ ба қайд гирифта шуд. Аз рӯи маълумоти расида дар пайи садамаи навбатӣ 16 нафар ба ҳалокат расида, 15 каси дигар захмӣ шудаанд. Ба иттилои расида ҳодиса дар шаҳри Уанкавелика ба амал омадааст. Автобуси мусофирбар ба нақлиёти дигар бархӯрда, аз баландии 400 метр ба дара сарозер шудааст. Мақомоти дахлдор то ҳол сабаби ба амал омадани садамаро муайян накардаанд. Аз рӯи маълумоти оморӣ ҳамасола дар роҳҳои Перу бар асари садамаҳои нақлиётӣ 3 ҳазор нафар ҳалок ва 50 ҳазор тани дигар захмӣ мешаванд. Фоидаи «Эйпл – дар се моҳ 1,16 миллиард евро»Чунончи расонаҳои хабарии Аврупо мегӯянд, ширкати амрикоии «Эйпл» солгарди ба фурӯш баровардани барномаи «Ай Тюнс»-и худро қайд кард. Гуфта мешавад, 10-уми июли соли 2008-ум ширкати амрикоии «Эйпл» дар онлайн супер-маркети худ — барномаи «АйТюнс» — ро ба фурӯш бароварда буд. Тавассути ин барнома муштариён имконият пайдо намуданд, ки аз филм, мусиқӣ, бозӣ ва дигар имкониятҳои Интернет фаровон истифода кунанд. Тибқи маълумоти омор дар семоҳаи якуми соли равон ширкати «Эйпл» 1,16 миллиард евро фоидаи соф ба даст овардааст.Тарҷумаи Иброҳими Ҳабибуллоҳ

Июль 11, 2013 16:59

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд