Чораҷӯӣ баҳри риояи талаботи қонуни танзим

Кӯлоб, 30 июл. (АМИТ «Ховар», Фарҳод Мадаминов).-Бо мақсади иҷрои риояи талаботи Қонуни ҶТ «Дар бораи озодии виҷдон ва иттиҳодияҳои динӣ» комиссияи доимии назди ҳукумати шаҳри Кӯлоб дар якҷоягӣ бо коршиносон, мақомоти ҳифзи ҳукуқ дар ҷамоатҳо ва ноҳияи Кӯлоб бо сокинон, фаъолон ва намояндагони дин барои корҳои фаҳмондадиҳӣ семинар гузаронид. Дар семинар перомуни вохӯрии Президенти кишвар Эмомалӣ Раҳмон бо ходимони дин ва фаъолони ҷумҳурӣ дар бораи танзими расму оин гуфтугӯи ошкоро сурат гирифт. Дар робита ба ин комисияи муштараки ҳукумат ҷиҳати назорати танзими маросим 4 маротиба рейд гузаронид ва қонуншиканиҳоро ошкор намуд. Қонуншиканон мувофиқи талаботи моддаи 474 – и Кодекси ҳуқуқвайронкуниии маъмурӣ ба андозаи 7 ҳадди аққал -280 сомонӣ ҷарима шуданд. Инчунин аз тарафи комиссияҳои доимӣ ду қонуншиканӣ ошкор гардида, шахсони гунаҳгор бо моддаи 481 – и Кодекси ҳуқуқвайронкуни маъмурӣ аз 2 то 4 ҳазор маблағ ҷарима шуданд. Дар айни замон комиссия ҷиҳати пешгирии қонуншиканиҳо тадбирҳои мушаххас андешида истодааст.