Дар муқовиматҳои Сурия се шаҳрванди Тоҷикистон ҷон бохтаанд

Душанбе, 9 июл.(АМИТ «Ховар», Марзия Саидова).-«14 шаҳрванди Тоҷикистон дар низоъҳои кишварҳои хориҷӣ ҳалок гардидаанд»- ин матлабро 9 июл Мавлон Мухторов -муовини раиси Кумита оид ба корҳои дини назди Ҳукумати Ҷумҳурии Тоҷикистон дар ҷамъи хабарнигорон иброз дошт. Мавсуф гуфт, ки аз ин теъдод 3 нафар дар муқовиматҳои Сурия ва 11 нафари дигар дар хоки Афғонистону Покистон қурбон гардидаанд.  Шаҳрвандони дар кишварҳои хориҷӣ ҳалокшуда, ки ҳуввияти миллӣ ва шахсияташон маълум гардидааст, асосан дар гуруҳҳои террористӣ ва амсоли он шомил буда, ба ҳайси муҷоҳид меҷангидаанд. Муовини раиси Кумитаи дин афзуд, ки бархе аз фарзандон ва оилаҳои ашхоси дар набардҳои кишварҳои хориҷӣ қурбонгардида ба Тоҷикистон баргардонида шудааст.