Дар заминҳои пилотӣ боғҳои нав бунёд мешаванд

Душанбе, 26 июл. (АМИТ «Ховар», Раъно Нусратуллоева).- Дар нимсолаи аввал дар қитъаи намоишдиҳии хӯроки чорво дар зиёда аз 21 гектар кишти қатраборон ва дар 3,7 гектар кишти юнучқа гузаронида шуд. Майдони 8 гектар ғизо дода шуда, дар 18 гектар кишти якҷояи саксавул, изен, чогон ва қатраборон гузаронида шуд. Дар майдони 20,8 гектар дарахтони гуногун ва буттаю нимбуттаҳо шинонида шуданд.Ин нуктаро директори Маркази идоракунии лоиҳаи «Рушди деҳот» Ғоиб Давлатов дирӯз зимни нишасти матбуотӣ таъкид намуд. Бо мақсади таъмини тухмии хушсифат ба аҳолии деҳот тухми юнучқа ва қатраборон барои 38 гектар дар ноҳияҳои пилотӣ тақсим карда шуд, ки натиҷаи дилхоҳ дода истодааст. Дар нимсолаи аввал дар шаҳри Роғун 9 гектар, аз оғози татбиқи лоиҳа 15,2 гектар боғи мевадор дар дигар минтақаҳои пилотӣ бунёд гардидааст,- зикр намуд Ғ.Давлатов.