Дастрасии гулмоҳиҳо аз “Аква Порс”

Душанбе, 26 июл. (АМИТ «Ховар», Зарангез Латифова).- Тибқи «Барномаи рушди соҳаи моҳипарварӣ» соли равон аз ҳисоби маблағҳои буҷавӣ 300 ҳазор сомонӣ ҷудо карда шуд, ки бо маблағи 140 ҳазор сомонӣ аз ҶСК “Суғд моҳӣ” –и шаҳри Қайроққуми вилояти Суғд 20 млн. дона кирминамоҳӣ харидорӣ гардида, ба ВМКБ – 0,9 млн. дона, вилояти Суғд – 1,8 млн. дона ва ба ноҳияҳои тобеи ҷумҳурӣ 1,6 млн. дона дастрас карда шуд. Тавре ки аз Вазорати кишоварзии Ҷумҳурии Тоҷикистон ба АМИТ “Ховар” хабар доданд, бо маблағи 60 ҳазор сомонӣ аз ҶДММ “Аква Порс” –и шаҳри Вахдат гулмоҳӣ харидорӣ гардид ва он рӯзҳои наздик ба хоҷагиҳои ҷумҳурӣ дастрас карда мешавад