ЭКО Донишгоҳи байналмилалӣ таъсис медиҳад

Июль 19, 2013 11:48

Душанбе, 19 июл.(АМИТ «Ховар», Марзия Саидова).- Донишгоҳи байналмилалии Созмони ҳамкориҳои иқтисодӣ /СҲИ-ЭКО/ дар заминаи муаррифии мероси фарҳангӣ ва тамаддуни ғании кишварҳои узви ин созмони таъсис дода хоҳад шуд. Ин мавзуъ дар дидори Муҳаммадшарифи Маликзода, раиси Созмони мероси фарҳангӣ, гардишгарӣ ва саноеи дастии Эрон бо Ифтихор Ҳусейн Ориф, раиси Муассисаи фарҳангии ЭКО дар Теҳрон матраҳ гардид. Маликзода омодагии ин Созмонро барои ҳамкорӣ бо Муассисаи фарҳангии ЭКО ҷиҳати муаррифии дастовардҳои саqёҳӣ, саноеи дастӣ ва ҳунарҳои суннатии кишварҳои узви ЭКО эълом намуд.Шоҳмансури Шоҳмирзо -коршиноси фарҳангӣ дар Муассисаи фарҳангии ЭКО мегӯяд, ки қарор аст ин донишгоҳ баъд аз тасвиби ниҳоӣ дар яке аз кишварҳои узви ЭКО таъсис дода шавад. Мавриди зикр аст, ки Муассисаи фарҳангии ЭКО ниҳоди тарроҳӣ, назорат, таъмини молӣ ва ҳамоҳангии фаъолиятҳои фарҳангӣ буда, бо ҳадафи тақвият ва ҳамкорӣ миёни кишварҳои узви ин Созмон таъсис дода шудааст. Ин Муассиса ниҳоди тахассусии мустақил дар канори ЭКО фаъолият ва ҳамкориҳои муштараки фарҳангӣ миёни кишварҳои узвро ҳамоҳанг намуда, дар муаррифии муштаракоти ҳавзаи муҳими ҳунарӣ, фарҳангӣ ва тамаддунии чаҳон нақши муассир дорад. ЭКО соли 1985 созмон дода шуда, алҳол даҳ кишвари ҷаҳон- Тоҷикистон, Эрон, Афғонистон, Покистон, Туркия, Қазоқистон, Қирғизистон, Туркманистон, Ӯзбекситон ва Озорбойҷон ба ҳайати он шомиланд. Тоҷикистон соли 1993 ба узвияти ин созмон пазируфта шудааст. Қароргоҳи ЭКО Теҳрон буда, самти афзалиятноки он ба тавсеаи ҳамкориҳои кишварҳои узв дар бахшҳои иқтисоду тиҷорат, нақлиёту коммуникатсия, сӯзишворию энергетикӣ ва иҷтимоию гуманитарӣ нигаронида шудааст.

Июль 19, 2013 11:48

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд