“Гастелло” бо “Афардӣ”, “Плеханов” бо “Зафар Нозим” бадал шуд

Июль 15, 2013 11:48

Душанбе, 15 июл.(АМИТ “Ховар”, Марзия Саидова).-Ахиран дар иҷлосияи понздаҳуми Маҷлиси вакилони халқи шаҳри Душанбе номи 9 кӯчаи пойтахт иваз карда шуд. Аз ҷумла, кӯчаи Свердлови ноҳияи Исмоили Сомонӣ ба номи Мустафо Содиқов, кӯчаи Будёнийи ноҳияи Шоҳмансур ба номи Акбар Махсумов, кӯчаи Софя Ковалевскаяи ноҳияи Исмоили Сомонӣ ба номи Аҳрор Мухторов, кӯчаи Клара Сеткинаи ноҳияи Сино ба номи Ғаффор Мирзо, кӯчаи Гастелло (5-6 гузаргоҳ)-и ноҳияи Шоҳмансур ба номи Сайф Раҳимзоди Афардӣ, кӯчаи Плеханови ноҳияи Исмоили Сомонӣ ба номи Зафар Нозимов, кӯчаи Котовскийи ноҳияи Сино ба номи Абдуҷаббор Қаҳҳорӣ, кӯчаи Володарскийи ноҳияи Шоҳмансур ба номи Минҳоҷ Ғуломов ва кӯчаи Титови ноҳияи Шоҳмансур ба номи Мирзо Мастонгулов гузошта шуд.Ҳадаф аз тағйири номи кӯчаҳои пойтахт гиромидошти хотираи неки шахсиятҳои шинохтаи миллат ва татбиқи Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” аст. Интизор меравад, ки то ҷашни 90-солагии шаҳри Душанбе, ки дар соли 2014 дар назар дошта шудааст, табдили номи кӯчаю хиёбон ва майдонҳои пойтахт аз номҳои ғайр татбиқ мешавад.

Июль 15, 2013 11:48

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд