Гуфтушуниди Бритониё ва Тоҷикистон оид ба рафъи андозбандии дукарата

Душанбе, 22 июл. (АМИТ «Ховар»).- 22 июл ҳайати расмии хадамоти андоз ва гумрукии Бритониё ба Душанбе ташриф меорад. Ин ҳайат гуфтушунид оид ба рафъи андозбандии дукарата байни Бритониё ва Тоҷикистонро анҷом хохад дод. Гуфтушуниди расмиро сафири Бритониё ҷаноби Робин Орд-Смит ва муовини вазири молия ҷаноби Руҳулло Ҳакимов зимни вохӯрии худ ифтитоҳ хоҳанд кард. Сафири Бритониё ҷаноби Робин Орд-Смит зикр кард: “Ман хеле шодам, ки имрӯз Бритониё ва Тоҷикистон ба гуфтушунид оид ба рафъи андозбандии дукарата оғоз мебахшанд. Ин созишнома як қадами муҳим дар равшанӣ андохтан ба миқдори андозбандӣ барои ширкатҳо хоҳад буд. Инчунин ин созишнома барои равнақи тиҷорат ва сармоягузорӣ байни ду кишвар саҳми мусбати худро хоҳад гузошт. Ман умедворам, ки тарафҳо матни созишномаро дар муддати кӯтоҳ қабул менеамоянд. Ин созишнома барои ҳарду ҷониб- Бритониё ва Тоҷикистон манфиатнок аст.”