Хориҷ намудани 116 нафар донишҷӯён аз ДДТТ

Душанбе, 29 июл. (АМИТ «Ховар» Зарангез Латифова ) .-Дар нимсолаи аввали соли таҳсили 2012-2013 ҳамагӣ 116 нафар донишҷӯй аз донишгоҳ хориҷ карда шуданд ,-гуфт Убайдулло Қурбонов, ректори Донишгоҳи давлатии тиббии Тоҷикистон зимни нишасти матбуотӣ. Сабаби асосии зиёд шудани шумораи хориҷшудагон васеъ гаштани тарзу усули қабули санҷишу имтиҳонҳои сесияи имсола буд,-чунин арзёбӣ намуд ректор. Таҳлили натиҷаҳои аттестатсияи чамъбастии хатмкунандагон нишон дод , ки имсол 99, 4 фоизи хатмкунандагон донишгоҳро бомуваффақият хатм намуданд, ки нисбат ба соли таҳсили 2011 2012 0,4 фоиз кам аст. Ҳамчунин зикр шуд, ки сифати дарс азхудкунии хатмкунандагон 65, 6 фоизро ташкил медиҳад, ки ин нисбат ба соли гузашта 9, 2 фоиз зиёд аст ва аз шумораи хатмкунандагон 4 нафашон хориҷ шудаанд.