Интихоби довталабон барои квотаи президентӣ

Душанбе, 23 июл. (АМИТ «Ховар», Фарҳод Мадаминов).-Ҳукумати ноҳияи Темурмалик ва идораи маориф нисбат ба квотаи президентӣ тадбирҳои зарурӣ андешиданд. Ин ба он вобастагӣ дорад, ки ҳар сол шумораи довталабон зиёд мегардад, аммо аксари онҳо тасодуфӣ мебошанд. Дар даври ниҳоӣ донишҳои онҳо ба шартҳои квота ҷавобгӯ набуда, аз ин лиҳоз аъзои комиссияро қаноатбахш намегардонад ва барои хоста гирифтани довталабони дигар зарурат пайдо мешавад. Тайи чанд соли охир эрод гирифта мешавад, ки хатмкунандагони мактабҳои ноҳия тибқи низомнома соли хонишро бо медали тилло хатм карда наметавонанд. Соли ҷорӣ низ хатмкунандагони ноҳия мактаби миёнаро бе медали тилло хатм намуданд. Аз ин рӯ идораи маорифи ноҳияро зарураст, ки нисбат ба ин камбудиҳо тадбирҳои дақиқ андешад.