«Корвони саломатӣ» ба Бадахшон рафт

Июль 18, 2013 15:32

Душанбе, 18 июл (АМИТ «Ховар», Ибодат Давлатова).- Дирӯз «Корвони саломатӣ»-и Вазорати тандурустии Ҷумҳурии Тоҷикистон сафари навбатии худро ба Вилояти Мухтори Куҳистони Бадахшон оғоз кард. Дар ҳайати ин корвон беш аз 70 нафар мутахассисони баландпояи тиб, аз ҷумлаи устодону профессорони Донишгоҳи давлатии тиббии Тоҷикистон ба номи Абӯалӣ ибни Сино ва Донишкадаи такмили ихтисоси баъдидипломии кормандони тибби Тоҷикистон ва табибони варзида аз сармуассисаҳои соҳа шомиланд.Тавре ки аз Вазорати тандурустӣ иттилоъ доданд, дар доираи чорабинии мазкур, ҷиҳати пешгирии беморшавӣ дар байни аҳолӣ аз ҷониби мутахассисони варзидаи соҳаҳои гуногуни тиб машварат ва ташхиси набзу фишор, сабти барқии дил, муайян намудани миқдори қанд дар хун, муоинаи чашм, ташхиси флюорографӣ, маслиҳату машварати мутахассисон дар тамоми самтҳои солимии аҳолӣ ва амалиётҳои ҷарроҳӣ анҷом дода мешаванд. Ба гуфти манбаъ «Корвони саломатӣ» дар 3 самт — дар самти аввал ба мардуми ноҳияҳои Дарвозу Ванҷ ва Рӯшон, самти дуюм — ба мардуми ноҳияҳои Ишкошиму Роштқалъа ва самти сеюм — ба мардуми ноҳияи баландкуҳи Мурғоб хизмат мерасонад. Дар ҳайати корвон табибони бемориҳои тарбодӣ, кӯдакона, занона, табибони дилшинос, силшинос, асабшинос, гӯшу гулӯ ва бинӣ, табибони бемориҳои дарунӣ ҳузур доранд. Бояд гуфт, ки ҳамарӯза аз субҳи барвақт табибон ташхиси дастурию методӣ, маслиҳат ва ташхисҳои мухталифро ба мардум ройгон пешниҳод мекунанд. Ҳамчунин дар назар аст, ки дар доираи ин чорабинӣ якчанд намуди ҷарроҳиҳо низ анҷом дода шавад. Мутахассисон бо худ таҷҳизоти ташхиси ултрасадо, сабти барқии дил, доплер, гастроскоп, таҷҳизоти офталмологӣ ва гӯшу гулӯю биниро ба Бадахшон овардаанд. Як мошини сайёри флюорографӣ низ дар ин рӯзҳо ба аҳолӣ хизмат мерасонад.

Июль 18, 2013 15:32

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд