Маркази «Нейман»-мусоидат ба таҳсили занону ҷавонон

Душанбе, 18 июл. (АМИТ «Ховар», Баҳманёр Муродов).-Имрӯз, 18-уми июл бист нафар Маркази таълимии «Нейман»-и Кумитаи иҷроияи ибтидоии Ҳизби Халқии Демократии Тоҷикистон дар Корхонаи воҳиди давлатии«Ширкати Алюминийи Тоҷик»-ро хатм намуда, соҳиби шаҳодатнома гардиданд.  Дар ин бора сомонаи расмии ҲХДТ иттилоъ дода, афзудааст, ки ин марказ ҷиҳати мусоидат дар самти ба таҳсил фаро гирифтани занону ҷавонони лаёқатманд таъсис ёфта, дар марказ омӯзиши асосҳои технологияи компютерӣ ва забони англисӣ ба роҳ монда шудааст. Манбаъ меафзояд, ки то имрӯз ин марказро 120 нафар хатм карда, соҳиби ҷойи кор шудаанд.