«Набзи замон»-и МТС-ро «R-Graph» нашр кард

Душанбе, 15 июл.(АМИТ «Ховар», Марзия Саидова).-Нахустин шумораи маҷаллаи таҳлилию амалии Маркази тадқиқоти стратегии назди Президенти Ҷумҳурии Тоҷикистон таҳти унвони «Набзи замон» интишор ёфт.  Маҳдӣ Собиров, котиби матбуотии Маркази тадқиқоти стратегӣ дар суҳбат ба хабарнигори АМИТ «Ховар» гуфт, ки «Набзи замон» дар матбааи «R-Graph»-и Душанбе бо теъдоди 500 нусха чоп шудааст. Гуфта мешавад, Маркази тадқиқоти стратегӣ тасмим гирифтааст, ки тавассути фаслномаи «Набзи замон» муҳимтарин масъалаҳои ҷомеаи муосир ва сиёсати давлатии Ҷумҳурии Тоҷикистонро ба миён гузошта, бо равиши таҳқиқию таҳлилӣ роҳҳои ҳалли муносиби онҳоро пешниҳод намояд. Маҷалла барои истифодаи кормандони ташкилоту идораҳо ва хизматчиёни давлатӣ пешбинӣ шудааст.