Ободии Варзоб таваҷҷуҳбарангез аст

Варзоб, 22 июл. (АМИТ «Ховар», Ҳотам Рабиев).-Вобаста ба иқлим ва шароити табиии ноҳияи Варзоб рушди соҳаи боғу токпарварӣ аз самтҳои афзалиятнок аст. Имсол дар ҳудуди ноҳия зиёда аз 47 гектар боғу токзори нав ташкил ёфт ва хушбахтона, сафи бунёдкунандагони боғу токзор сол то сол меафзояд.Боиси хушнудист, ки дараи Варзоб пайваста ободу зебо гашта, таваҷҷуҳи ҳамагонро ба худ ҷалб менамояд. Дар 280 минтақаи истироҳатӣ, ки дар ҳудуди ноҳия мавҷуд аст, ҳар рӯз ҳазорон нафар аз обу ҳавои ин ҷо баҳравар мешаванд. Воқеан ҳам роҳи хуби замонавӣ ва ҳам табиати афсонавӣ хеле диққатҷалбкунанда аст.