Парвиз Собиров бо медали тилло ба Ватан баргашт

Душанбе, 12 июл. (АМИТ «Ховар», Ибодат Давлатова).- Варзишгари тоҷик — мураббии дастаи қисми низомии 5453-и Раёсати қушунҳои дохилии ВКД Ҷумҳурии Тоҷикистон капитани милитсия Парвиз Собиров дар бозиҳои IV осиёгӣ, ки аз 28-уми июн то 6-уми июли соли ҷорӣ дар шаҳри Ичхони Ҷумҳурии Куриёи Ҷанубӣ бо иштироки намояндагони 45 давлати қитъаи Осиё баргузор гардид, дар мусобиқаи гуштини тарзи «Кураш» дар вазни беш аз 90 кг сазовори ҷойи аввал гардида, бо медали тилло ба Ватан баргашт.Тавре ки аз ВКД иттилоъ медиханд, Парвиз Собиров дастпарвари Шӯрои Ҷумҳуриявии «Динамо»-и Вазорати корҳои дохилӣ буда, дар мусобиқаҳои гуногуни сатҳи ҷаҳонӣ иштирок намуда, чандин маротиба парчами Ҷумҳурии Тоҷикистонро дар арсаи байналмилалӣ баланд бардоштааст.