Пешгирии ҷинояткорӣ дар Шӯрообод

Шӯрообод, 24 июл. (АМИТ «Ховар», С. Холов).-Дар ноҳияи Шӯрообод таъмини тартиботи ҷамъиятӣ ва суботу оромии ҷомеа, ошкор намудани ҷиноят ва ба ҷавобгарӣ кашидани шахсони ҷиноятсодиркарда, инчунин пешгирии гардиши ғайриқонунии маводи мухаддир зери назорати қатъии мақомоти ҳифзи ҳуқуқ қарор дорад. Бинобар иттилои раиси ноҳия Амирхон Икромов дар шаш моҳи соли ҷорӣ аз тарафи шуъбаи корҳои дохилии ноҳия 41 ҷиноят ба қайд гирифта шуда, сатҳи кушодашавии ҷиноятҳо 95, 6 %-ро ташкил медиҳад. Дар ин давра аз тарафи шуъбаи корҳои дохилӣ бо бурдани корҳои фаврию ҷустуҷӯӣ дар байни аҳолӣ ба миқдори 446 кг 140 грамм маводи мухаддир, 4 адад автомат, 8 адад милтиқи шикорӣ ва 3 адад корди ҳарбӣ мусодира шудааст.