«Рӯзи саломатӣ» дар шаҳри Хоруғ

Июль 22, 2013 14:21

Душанбе, 22 июл. (АМИТ «Ховар», Ибодат Давлатова).- Дар доираи сафари «Корвони саломатӣ»-и Вазорати тандурустӣ ба ВМКБ бо иштироки васеи шаҳрвандони шаҳри Хоруғ ва сокинони ноҳияҳои атрофи он дар мавзеи Чорбоғи шаҳри Хоруғ «Рӯзи саломатӣ» баргузор гардид.Дар чорабинӣ вазири тандурустии кишвар Нусратулло Салимов ва раиси Вилояти Мухтори Куҳистони Бадахшон Қодири Қосим, намояндагони шарикони байналмилалӣ – Роҳбари дафтари ТУТ дар Тоҷикистон Павел Урсу, намояндагони Хазинаи глобалӣ, Хазинаи Оғохон ширкат намуда, бо шаҳрвандон суҳбат карданд. Дар доираи чорабинӣ тӯли ду рӯз дар Маркази вилоятии бемориҳои чашм дар шаҳри Хоруғ беш аз 20 амалиёти ҷарроҳии чашм гузаронида ва дар беморхонаи вилоятӣ 4 ҷарроҳии мураккаби батнӣ (абдоминалӣ) бо роҳбарии профессор Саидилҳом Аҳмадов ва бо ҳамдастии табибони маҳаллӣ бомуваффақият анҷом дода шуд. Инчунин роҳбарони масъули Вазорати тандурустӣ, дафтари ТУТ дар Тоҷикистон, Хазинаи Оғохон дар доираи ин чорабинӣ аз ҷараёни корҳои сохтмонӣ дар Беморхонаи вилоятии бемориҳои сил дар шаҳри Хоруғ, маркази вилоятии ташхиси тиббию судӣ дидан карданд. Ҳамчунин гуруҳи мазкур бо фаъолияти Маркази вилоятии таълимию клиникии тибби оилавӣ, дармонгоҳи № 1-и шаҳри Хоруғ боздид ба амал оварда, нақшаҳои минбаъдаи беҳтаргардонии сифати хизматрасониҳои тиббиро дар вилоят мавриди баррасӣ қарор доданд. Бояд зикр намуд, ки «Корвони саломатӣ» дар ВМКБ дирӯз ба анҷом расид. Дар ин бора ба АМИТ «Ховар» аз Вазорати тандурустӣ хабар доданд.

Июль 22, 2013 14:21

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд